सिद्धार्थ कांबळे लिखित ‘ वंचितांचे राजकारण : एक मुक्त चिंतन ‘ या पुस्तकाचे प्रकाशन शनिवारी ( दि.२५ ) होत आहे.
येथील शाहू स्मारक भवन मुख्य सभागृहात होणाऱ्या या पुस्तक प्रकाशन सोहळ्यासाठी आंबेडकरी चळवळीचे भाष्यकार,ज्येष्ठ साहित्यिक ज. वि.पवार उपस्थित राहणार आहेत,अशी माहिती पुस्तकाचे लेखक सिद्धार्थ कांबळे यांनी प्रसिद्धी पत्रकाद्वारे दिली आहे.
राजकीय सत्तेपासून वंचित असलेल्या समूहाच्या राष्ट्रीय राजकीय संघर्षाचा वेध या पुस्तकात घेतला असून सुगावा प्रकाशन,पुणे यांनी हे पुस्तक प्रकाशित केले आहे.कार्यक्रमाच्या अध्यक्षस्थानी समता सैनिक दलाचे सैनिक, माजी सीमा शुल्क अधिकारी मदन पवार हे अध्यक्षस्थानी आहेत तर शिवाजी विद्यापीठाचे जनसंपर्क अधिकारी डॉ.आलोक जत्राटकर, प्रा.डॉ. अमर कांबळे, ‘ बार्टी ‘ चे संशोधन अधिकारी प्रा.डॉ. संभाजी बिरांजे,वंचित बहुजन आघाडीच्या राष्ट्रीय उपाध्यक्षा डॉ.क्रांती सावंत,जिल्हाध्यक्ष जे. के. गायकवाड यांची प्रमुख उपस्थिती आहे.
