19 सप्टेंबर 2007 हा दिवस युवराज सिंह आणि स्टुअर्ट ब्रॉड दोघांसाठीही अविस्मरणीय ठरला. कारण याच दिवशी युवराजने टी20 वर्ल्ड कपमध्ये एका षटकात सहा षटकार ठोकले होते. पण या घटनेमागे एक ‘बॅकस्टेज स्टोरी’ होती आणि ती होती इंग्लंडच्या अँड्र्यू फ्लिंटॉफची.

😠 फ्लिंटॉफने कबुली दिली

‘बीयर्ड बिफोर विकेट’ पॉडकास्टमध्ये फ्लिंटॉफने खुलासा केला की त्या सामन्यात त्याची आणि युवराजची थोडी वादावादी झाली होती. तो म्हणाला, “मी आणि युवराज मजेत एकमेकांवर टोमणे मारायचो, पण त्या दिवशी मी रागात होतो आणि थोडं जास्त बोललो. मी खरंच मर्यादा ओलांडल्या. त्यानंतर युवराजने ब्रॉडसोबत जे केलं, ते माझ्यासोबत व्हायला हवं होतं..!”

👀 युवराज फ्लिंटॉफ नजरानजर

फ्लिंटॉफ पुढे म्हणाला, “पहिला षटकार लागला तेव्हा युवराजने माझ्याकडे पाहिलं. मी बाउंड्रीवर उभा होतो आणि मला जाणवलं की काहीतरी मोठं घडणार आहे. दुसऱ्या षटकारानंतर पुन्हा त्याने माझ्याकडे पाहिलं, आणि पाचवा सिक्स मारल्यानंतर माझी सुद्धा ईच्छा होती कि त्याने सहावा सिक्सर मारावा.”

🚀 वेगवान अर्धशतक

त्या सामन्यात युवराजने फक्त 12 चेंडूत अर्धशतक झळकावलं होतं. आजही ICC च्या कोणत्याही फुल मेंबर देशाच्या खेळाडूने इतक्या चेंडूत अर्धशतक केलेले नाही. युवराजचा हा विक्रम आजही तसाच अढळ आहे.