कोरोची, ता. हातकणंगले (जि. कोल्हापूर) — आगामी जिल्हा परिषद निवडणुकीच्या पार्श्वभूमीवर कोरोची जिल्हा परिषद मतदार संघातून उमेदवारी करणाऱ्या सौ. सानिका राहुल आवाडे यांच्या प्रचाराचा आज भव्य शुभारंभ करण्यात आला. मोठ्या उत्साहात आणि कार्यकर्त्यांच्या प्रचंड उपस्थितीत हा प्रचार प्रारंभ सोहळा पार पडला.
शुभारंभ प्रसंगी गावातील ज्येष्ठ नागरिक, महिला बचत गटांच्या सदस्य, युवक कार्यकर्ते तसेच विविध सामाजिक संघटनांचे पदाधिकारी मोठ्या संख्येने उपस्थित होते. फटाक्यांची आतषबाजी, ढोल-ताशांचा गजर आणि घोषणाबाजीच्या वातावरणात प्रचाराला सुरुवात झाली.
यावेळी बोलताना सानिका राहुल आवाडे म्हणाल्या की, “कोरोची मतदार संघाचा सर्वांगीण विकास, महिला सक्षमीकरण, युवकांसाठी रोजगार संधी, तसेच पायाभूत सुविधा मजबूत करणे हे माझे प्रमुख उद्दिष्ट आहे. सर्वसामान्यांच्या प्रश्नांसाठी सदैव उपलब्ध राहीन.”
या प्रचार शुभारंभ कार्यक्रमाला स्थानिक नेते, माजी पदाधिकारी व ग्रामस्थांनी शुभेच्छा देत ‘विकासाच्या नव्या पर्वाची सुरुवात’ म्हणून या मोहिमेकडे पाहिले जात आहे. येत्या काळात मतदार संघातील प्रत्येक गावात प्रत्यक्ष भेटी, घराघरात संवाद आणि विविध विकासात्मक मुद्द्यांवर आधारित प्रचार राबविण्यात येणार असल्याची माहिती देण्यात आली.
